Jo, das isch etz no ä gueti frog.

I weiss es nöd.

I weiss es würkli nöd.

Eigentli, weisch, stoh i jo ehr uf männer, abr ab und zuä gfallt mer halt au a frau, bsunders ebe si, d’erika.

Mit erä würd i duräbrenne, mit erä würdis mache, mit erä würd i go, bis uf Australie.

Aber ebe,

si isch verhürotet und het zwei chind.

Drum hanis ere niä gseit.

Drum weiss i’s ebe nöd.

I weiss’s würkli nöd, ob sie’s weiss,

ob sie’s eigentli weiss, wiä fescht gern i si ha.

Ein Mensch kann einem Heimat sein, eine Fantasie auch. Ja, eine Fantasie immer auch.